من مهرجان الشعر المحكي الأول ...ولدنة

العدد: 
9049
التاريخ: 
الأحد, 11 شباط, 2018

طلال عمار

بتتذكّري ؟
وقت الكنت نادي عليكي و قول 
يارفيقتي تعالي كَرَج أيلول 
ومايهمّني شو تلبسي 
 ومايهمّني شو تدرسي 
وشو يحفظ المريول
كنّا نركِّب لعبة الأحلام
و ممنوع لحظه ننام
مرّات بابا نويل أنزلِّك
من مدخنة بيتك تا وصّلِّ
(عريبه) اشتغلها الغول 
أمرح معِك عاطول…
 كيف كنت عابيتِك أجي خجلان 
أمّك تقلّي: أنت مابتتعب؟!!!!
أكسر ع نفسي وقلّها تعباااان 
 وما جيت مع بنتِك أنا ألعب
   نسيان معها گلول 
بتتذكّري قوس القزح 
           شو كان يلفتنا
بتتذكّري لمّا بفرح
           تحتو سوا فتنا 
لا صرت بنت ولا صبي صرتي 
بتتذكّري من ضحكنا متنا
و عِشنا بصغر لِعقول 

ثائر محفوض

شفتا على تنورها بتلوح بالكارا
عافيت ما ردّت مين زعّل الجارا
طلبت الخبز وخدود محمرين
لسانا حكي كلمات قهّارا

الفئة: